Pormal nang inanunsyo nitong ika-11 ng Marso sa Official Facebook Page ni Governor Dong Padilla ang pagbisita at pagdalo ng sikat na bandang Ben&Ben sa Bantayog Music Festival (BMF) 2024.
Sa video message ng Ben&Ben, ipinabatid ng nasabing banda ang kanilang excitement na makapagdala ng saya sa mga CamNorteños sa pamamagitan ng kanilang musika.
Para sa kaalaman ng lahat ang Ben&Ben ay isa sa mga bandang maghahatid ng saya sa Camarines Norte sa gaganaping Bantayog Music Festival 2024 ngayong darating na April 27 na mangyayari sa Daet Airport, Camarines Norte.
Matatandaang noong nakaraang Bantayog Festival 2023, ay ipinangako ni Governor Dong Padilla sa harap ng libu-libong Camnorteño na ang susunod niyang dadalhin at magpapasaya sa BMF 2024 ay ang bandang Ben&Ben, na nagkaroon nga ng katuparan. Malugod ding ipinabatid na ang nasabing Music Fest ay libre at malinaw na walang bayad, na siya namang naghatid ng karagdagang galak at saya sa ating mga kababayan.
Kasama ring makikisaya sa nasabing Music Fest ang solo artist na si Maki – na sikat na sikat rin lalo na sa mga kabataan ngayon. Ang bandang Ben&Ben naman ang magsisilbing main act sa Music Fest . Abangan rin nating lahat ang surprise special guest na sponsored by Senator Robinhood Padilla. Sa mga kaabang-abang na balitang ito ang ating mga kababayan ay patuloy na nagagalak sa mga surpresang hatid ng Pamahalaang Panlalawigan.
written by: Joana C. Fortuna & Arjay Jimenez Efondo
article credits to: https://www.facebook.com/piocamnorte
media credits to: https://www.facebook.com/dongpadilla001
