Isinagawa ang unang Promotional Activity ng mga programang Camarines Norte Medical Students Financial Assistance Program (CNMSFAP) at MaPaLaD (Medisina Para sa Lahat Dapat) Program ngayong araw ika-12 ng Abril, 2024 sa 3rd floor Administrative Building ng Camarines Norte Provincial Hospital (CNPH).
Pinangunahan ni Dr. Walter Randolph Jalgalado – Provincial Health Officer I at Dr. Sarah Marie P. Aviado – Community Affairs Division (CAD) Officer In Charge ang orientation at information campaign patungkol sa mga programa ng Provincial Government na CNMSFAP at MaPALAD Program ng Commission on Higher Education (CHED).
Dumalo at nagsilbing kalahok sa gawain ang mga Nursing Students mula sa mga paaralan ng Mabini Colleges Inc. at La Consolacion College of Daet na karamihan ay nasa ika-apat na taon na ng pag-aaral. Kasama ring dumalo sa gawain ang ilang Clinical Instructors at kawani ng CNPH sa isinagawang orientation activity.
Pangunahing layunin ng gawain ang makahimok ng mga Camnorteño na mag-aral bilang doktor sa pamamagitan ng suporta, tulong at pagiging iskolar ng gobyerno.
Asahan ang pagsasagawa ng kaparehong gawain sa iba't ibang major school dito sa lalawigan ng Camarines Norte.
article credits to: https://www.facebook.com/piocamnorte
